જોન્ટી રોડ્સને મોદીનો ખાસ મેસેજ: PM મોદીએ ફિલ્ડિંગકિંગ જોન્ટીને પત્ર લખ્યો, ક્રિસ ગેલે કહ્યું- યુનિવર્સ બોસ તરફથી અભિનંદન અને પ્રેમ.

વેસ્ટ ઈન્ડીઝના દિગ્ગજ ક્રિકેટર ક્રિસ ગેલ અને દક્ષિણ આફ્રિકાના ભૂતપૂર્વ ખેલાડી જોન્ટી રોડ્સે બુધવારે ભારતને 73મા ગણતંત્ર દિવસની શુભેચ્છા પાઠવી છે. ગેલે કહ્યું હતું કે તેને વડાપ્રધાન નરેન્દ્ર મોદી તરફથી એક ખાસ સંદેશ પણ મળ્યો છે. એ જ સમયે, રોડ્સે વડાપ્રધાન દ્વારા મોકલવામાં આવેલો પત્ર પણ પોસ્ટ કર્યો છે.

જોન્ટી રોડ્સે પીએમ મોદીના પત્રના જવાબમાં લખ્યું - તમારા મનમોહક શબ્દો માટે આભાર. ભારતની દરેક મુલાકાત વખતે હું મારી જાતને એક વ્યક્તિ તરીકે ખૂબ સમૃદ્ધ માનું છું. મારો પરિવાર સમગ્ર ભારત સાથે પ્રજાસત્તાક દિવસની ઉજવણી કરે છે અને બંધારણની જરૂરિયાતને માન આપે છે, જે ભારતના લોકોના અધિકારોનું રક્ષણ કરે છે. જય હિન્દ.

શેડ્સે તેમના સોશિયલ મીડિયા એકાઉન્ટ પર મોદી દ્વારા મોકલવામાં આવેલા એક પત્ર પણ પોસ્ટ કર્યો હતો, જેમાં લખ્યું હતું- ભારત તરફથી શુભેચ્છાઓ, દર વર્ષે 26મી જાન્યુઆરીએ આપણે પ્રજાસત્તાક દિવસ ઊજવીએ છીએ. આ એ દિવસ છે

ગેલે પણ અભિનંદન પાઠવ્યા હતા

એ જ સમયે ટ્વિટર પર ગણતંત્ર દિવસની શુભેચ્છા પાઠવતાં ક્રિસ ગેલે લખ્યું - હું ભારતને તેના 73મા ગણતંત્ર દિવસ પર અભિનંદન આપવા માગું છું. મેં આજે સવારે ઊઠીને સૌથી પહેલા વડાપ્રધાન મોદીનો અંગત સંદેશો વાંચ્યો છે. જેણે ભારતના લોકો સાથેના મારા ગાઢ અંગત સંબંધોની પુનઃ પુષ્ટિ કરી છે. યુનિવર્સ બોસ તરફથી અભિનંદન અને પ્રેમ.