U-19 કેપ્ટનની શાનદાર શરૂઆત, ડેબ્યુ મેચમાં સદી ફટકારી

 

• રણજી ટ્રોફીની સીઝન રદ કરાઈ હતી. જોકે હવે 2022માં ફરીથી આનું આયોજન થતાં ભારતની અંડર-19 વર્લ્ડ ચેમ્પિયન ટીમના ખેલાડીઓને સારી તક મળી છે. અહીં U19 ટીમના કેપ્ટન યશ ધુલે ડેબ્યુ મેચમાં સદી ફટકારી હતી તો બીજી બાજુ રાજ બાવાએ પહેલા બોલ પર જ વિકેટ લીધી હતી.
• યશ ઘુલ જ્યારે 97 રનના સ્કોર પર હતો ત્યારે તેણે એક પુલ શોટ માર્યો હતો. તેવામાં ફિલ્ડરે આનો સરળ કેચ પકડી લીધો હતો, જોકે આ દરમિયાન રિપ્લેમાં જોવા મળ્યું કે બોલરે નો-બોલ ફેંક્યો હતો અને તેથી જ યશને 97 રનના સ્કોર પર એક મહત્ત્વપૂર્ણ જીવનદાન મળી ગયું હતું.
• દિલ્હીથી રમતા સમયે પોતાની ડેબ્યુ મેચમાં યશે તામિલનાડુ વિરુદ્ધ પોતાની રણજી ટ્રોફીની સફર શરૂ કરી હતી. આ દરમિયાન ધુલે તામિલનાડુ સામે 133 બોલમાં પોતાની સદી પૂરી કરી ડોમેસ્ટિક ક્રિકેટની શાનદાર ઈનિંગની શરૂઆત કરી હતી.