શ્રીલંકાની સતર્ક શરૂઆત, ઈન્ડિયન બોલર્સ વિકેટ માટે તરસ્યા

• ભારત અને શ્રીલંકા વચ્ચે પહેલી ટેસ્ટ મેચનો આજે શનિવારે બીજો દિવસ છે. ટીમ ઈન્ડિયાએ 129.2 ઓવરમાં 8 વિકેટના નુકસાને 574 રનનો સ્કોર કરી દાવ ડિક્લેર કરી દીધો છે. જેના જવાબમાં શ્રીલંકાનો સ્કોર એકપણ વિકેટ ગુમાવ્યા વિના 45+ રનનો છે. અત્યારે દિમુથ કરુણારત્ન અને લાહિરૂ થિરિમાને બેટિંગ કરી રહ્યા છે. આ ઈનિંગમાં રવીન્દ્ર જાડેજા 175* અને શમી 20* રન કરી નોટઆઉટ રહ્યો છે. બંનેએ 9મી વિકેટ માટે 94 બોલ પર 103 રનની પાર્ટનરશિપ જોડી હતી.
• સર જાડેજાની તોફાની બેટિંગ રવિન્દ્ર જાડેજાએ શાનદાર બેટિંગ કરતા 228 બોલમાં અણનમ 175 રન કર્યા છે. આની સાથે જ ટેસ્ટ ક્રિકેટમાં આ તેનું સર્વશ્રેષ્ઠ પ્રદર્શન છે. એટલું જ નહીં આ મેચમાં જાડેજાએ ટેસ્ટ ક્રિકેટમાં પહેલી વાર સિક્સર ફટકારીને 150 રનનો આંકડો પૂરો કર્યો હતો.